RODRIGO ROA DUTERTE: Ang Kakaibang Pangulo ng Pilipinas

nina Jumer Namoc at Florie Cris Gomera

Sino nga ba si Pangulong Duterte? May maraming nakakakilala sa kaniya pero may iilan siguro ang hindi. Sa nakikita natin ngayon, may mga katangian ang ating Pangulo na maaring hindi kaaya-aya ngunit makikita pa rin ang dami ng mga taong sumusuporta sa kaniya.

Si Pangulong Rodrigo Duterte ay isa sa mga naging Pangulo ng bansa na masasabi nating kakaiba. Isa siyang mabagsik at matapang na pangulo. Kahit kailan, ngayon lang tayo nagkaroon ng Pangulo na hindi nagdadalawang-isip na ipalabas ang kaniyang tunay na ugali lalo na yung pagiging palamura niya sa harap ng mga tao. Sa tingin niyo, mabuti ba ito sa isang Pangulo ng Pilipinas?

Alam naman natin na kakaiba si Pangulong Duterte sa lahat ng nanungkulan sa bansa bilang Pangulo. Isa pang marahas na ginagawa ni Pangulong Duterte ay yung pagpatay ng maraming tao na sangkot sa illegal drugs. Pero hindi ba't ang pamamaraang iyan para parusahan ang may sala ay mali?

Marahas ang ating Pangulo pero marami pa rin ang nagsasabi na nakabubuti siya sa Pilipinas para maturuan yung mga sinasabi nilang masamang damo at sagabal sa pag-unlad ng bansa. Nakita naman natin ang kinalabasan sa panunungkulan ni Duterte, kakaunti nalang ang mga krimeng nangyayari sa ating bansa.